Paano mag apply ng SSS Loan Restructuring Program?

Mga Commonly Asked Questions tungkol sa SSS Loan Restructuring Program. Medyo mahaba po pero worth it po basahin hanggang dulo para malaman ang buong detalye.

 Ano ang Loan Restructuring Program ng SSS?
Eto rin ay kilala sa Loan Condonation. Kung ikaw ay mayroong SSS Loan dati at matagal mo nang hindi nabayaran, ngayon ay lumaki na iyon dahil sa penalty at interest. Ang loan mong 10k dati ay maaring maging 50k na dahil sa penalty at interest na naidagdag na sa iyong loan dahil ito’y hindi nababayaran. Sa pamamagitan ng LRP ay matatanggal ang penalty ng iyong loan. Kumbaga ito ay liliit at mas madali mo nang mababayaran.

Kailan pwede mag apply ng Loan Condonation?
Ang Loan Condonation Program ng SSS ay mula April 2- October 1, 2018. Ito ay 6 na buwan na programa ng SSS. I-take advantage na po natin ito at mag apply ng maaga dahil hindi po regular at taon-taon na isinasagawa ng SSS ang Loan Condonation Program. Nuong Loan Restructuring Program nung 2016-2017, isang buong taon na tumanggap ang SSS ng Application ngunit dinagsa at blockbuster ang SSS Branches nung last day of LRP Application.

Ano-anong klaseng loan ang pwede iapply sa Loan Condonation program?
Salary Loan, Calamity Loan, Salary Loan Early Renewal program (SLERP), Emergency Loan, Educational Loan, Study Now Pay Later Program, VocTech Loan. Y2K Loan, Investment Incentive Loan.

Paano ko po malalaman kung eligible ako?
Kung kayo po ay mayroong past due loans na higit 6 na buwan na
Wala pa po kayong 65 years old
Hindi pa nakapag apply ng Loan Restructuring Program last year
Wala pang final claim sa SSS (wala pang funeral, retirement, permanent disability benefit)
Nakatira o nagta trabaho sa Calamity Stricken Area

Saan Pwede mag-apply?
– Sa SSS Branches lamang

Pwed ba mag apply online?
Wala pong facility sa SSS website na makapag apply ng Loan Condonation Online. Sa SSS Branch lang po. Antayin po natin kung gagawa ang SSS para makapag apply ng LRP online.

Paano po ang proseso ng pag aaply?

1. I-print ang SSS LRP application form (MEL-01368) at i-accomplish. Isang kopya lang ang kailangan. Mayroong form sa SSS Branch. Kung di po kayo maka pag print, pwedeng sa SSS Branch na lang punan ung Form. Black ink only.
2. Pumunta sa SSS Branch. Kumuha muna ng Statement of Loan Balance for Loan Restructuring Program para malaman mo kung magkano na lamang ang iyong babayaran.
3. I-accomplish ang Affidavit of Residency na nag sasabi na ikaw ay nakatira o nagtrabaho sa address na nakaranas ng calamity. Ang SSS member na may Calamity Loan o Salary Loan Early Renewal Program ay hindi na kailangang mag accomplish nito.
4. Kung ikaw mismo ang mag aaply, ipakita ang iyong original ID. Mas maganda siyempre kung SSS ID o UMID .
5. Kung representative mo naman ang mag aaply,
   – Ipakita ang nafill-upan na Letter of Authority (original)
   – Photocopy ng 2 valid ID ng member a filer. Dapat ang ID ay may Picture at signature.
6. Isubmit ang form sa SSS Branch o Foreign Office. Ang form na dapat isubmit ay Application Form, Affidavit of Residency (if applicable), Statement of Loan Balance for Loan Restructuring Program, at Letter of Authority (kung ang representative ang magpa -file).

Magkano na lang po ang babayaran ko?
Principal at Interest ng iyong loan, at may patong na 3% per annum interest base sa computed diminshing principal. Malalaman mo ang eksaktong amount pag kumuha ka ng Statement of Loan Balance for Loan Restructuring Program.

Paano po ang bayaran nito?
Maari po kayong magbayad ng isang bagsakan o pwedeng staggard o hulugan hanggang 5 taon (60 months). Ang SSS ay mag sa-suggest kung ilang buwan maaring bayaran ang iyong restructured loan. Kung hindi kayang bayaran ang monthly amortization na nacompute ng SSS, maari nyo pong itanong sa SSS Officer kung pwede iextend ang taon ng pagbabayad para lumiit ang monthly amortization. For example, kung kayo ay may 20,000 na Restructured Loan amount, 2 years ito babayaran ng halagang 800+ every month. Kung hindi po kaya ng 800 every month, maari niyo pong itanong sa SSS Officer kung pwedeng maging 3 years para maging 500+ monthly o 4 years para maging 400+ monthly.

✈Paano po mag-apply kung OFW po ako?
Kung mayroong SSS Branch sa bansang iyong pinagta- trabahahunan, maaring ikaw mismo ang mag-apply sa SSS Branch. Dalhin lamang ang iyong SSS Passport at anumang Valid ID na mayroon ka kasama ng LRP Application Form at Affidavit of Residency.

Kung wala namang SSS Branch na malapit sa iyo, maaring ang iyong mga kamag-anak o sinumang representive ang maglakad ng iyong SSS Loan Condonation Application. Kailagan lamang na mag accomplish ng Letter of Authority para i-authorize ang iyong representative na maglakad in you behalf. Magbigay ng iyong ID sa iyong representative kasama ng kanyang ID para sa verification ng SSS.

✌🏻Nakapag apply na po ako ng LRP nung 2016-2017 at hindi ko po nabayaran, pwed po ba uli ako mag apply?
Hindi na po pwede. May policy po na once na mag-apply ka ng Loan Condonation ay hindi ka na uli pwede mag apply sa mga susunod na condonation. Ang maari nyo pong gawin ay ipagpatuloy ang paghuhulog ng inyong loan payment under the Loan Restructuring Program at kung nakaluwag po kayo ay bayaran nyo po ung mga buwan na hindi nyo po nabayaran.

💰Kailan ako pwede uli mag loan pagkatapos ko mabayaran ang Loan ko under Loan Restructuring Program?
Maari na po kayong mag renew ng loan 6 months after ma-fully paid ang inyong Loan under LRP Program at aktibong nagbabayad ng Contribution (may 6 na buwang contribution sa loob ng 12 buwan bago ang buwan ng pag aaply ng Loan).

💎Magreretire na po ako at may loan pa. Pwede pa po ba akong mag apply?
Pwede pa po basta ang Date of Contingency ay bago ang Deadline ng Application ng Loan Restructuring Program (October 1, 2018).