SSS nilinaw ang balitang pagtaas ng Contribution

Ang Social Security Commission Chairman na si G. Amado D. Valdez ay nilinaw na pinag aaralan pa ang posibleng pagtaas ng buwanang kontribusyon ng miyembro ng SSS, salungat sa lumabas na balita na ito ay ipapatupad na sa January 2017.

Sinabi ni Chairman Valdez na ang contribution hike ay isa sa huling option ng SSS. Ngunit kung ang SSS ay kakailanganin talagang ipatupad ang pagtaas ng kontribusyon para pahabain ang fund life ng SSS, sinisigurado nila na ang increase ay maliit na halaga lamang. Ang SSS ay naghahanap ng pinakamainam na paraan upang palakihin ang kita maliban sa pagtaas ng kontribusyon.

Ibinihagi ni Chairman Valdez na sa kasalukuyang administrasyon, sa loob ng unang semestre ng 2017, nakakakolekta ang SSS ng 78.64 billion (tumaas ng 9.62 percent) mula sa kontribusyon ng mga miyembro.

Ang kita mula sa investment naman ay tumaas ng 12.27 percent sa parehong panahon mula P16.09 billion ay naging 18.35 billion.

Idinagdag pa ni Chairman Valdez na naghahanap ang SSS ng ibat-ibang paraan para palawakin ang kita ng SSS kasama na dito ang pagbebenta ng mga properties na hindi nagbibigay ng pinaka mainam na kita.

Source: SSS Website